【Now財經台】保險股保誠(02378)股價今日(24日)跑贏大市，亦跑贏同業友邦保險(01299)，股價午後升幅擴大至約6%，係咪受集團宣布啟動20億美元股份回購計劃，向股東回饋資本，又話股息政策不變，估計2024年度股息增加7%至9%帶動？
元宇證券基金投資總監林嘉麒指，以往只有科技股先做回購，所以集團宣布做回購的確令保誠多咗一個短期賣點，加上之前冇傳出過公司有回購計劃，所以今次係一個驚喜，繼而刺激股價造好。不過，KK提醒，除非保誠基本面持續改善，或回購令每股盈利及派息增加，否則，只係一個短期刺激作用，唔好因為呢個原因做長線部署。
KK又補充，其實保誠息率只得2厘，真係好低亦唔吸引，不過，好多外國保險公司都唔係靠息率吸引投資者，而係靠盈利或新業務增長，所以佢提醒...
