【Now財經台】美國本周公布嘅經濟數據唔太理想，上月新屋動工係4年最少，上周新申領失業救濟人數又多過預期，不過，美匯指數冇跟跌，現貨金價彈上約兩周高位，由每盎司2320美元彈上2360美元水平。
MAX Online亞太區業務總監杜浩霆認為，周二(18日)出爐嘅零售銷售數據遜預期，帶挈金價近日走強，但新屋動工及二手樓價格數據較差，呢啲都係美國通脹回落嘅徵兆，中長線會利淡金價走勢。
Perry續指，金價於5月再創新高，衝上2450美元，技術上形成咗第2個頂，但最近已跌穿下降通道，依家暫時未有重大利好因素支持金價突破高位，預期金價將會喺2385至2400美元橫行震盪，建議投資者把握呢個區間做部署。
