【Now財經台】內地自動售貨機營運商友寶在線(02429)股價連升6日後，今早(20日)一度再衝高近8%，再創新高，高見29.4元，不過，股價之後突然掉頭向下，半日最多瀉30%，低見19元。
自公司指6月初向中證監就H股全流通備案後，股價近日急升，上周起連日出現陽燭上升，昨日(19日)成交量逾600萬股，係去年11月上市以來最多嘅單日成交，若以今朝即市高位計，股價一度較招股價10.35元，高1.8倍。
不過，昨日入場追貨嘅資金，今朝即被「割韭菜」，其實友寶係一家蝕錢公司，去年蝕3.27億人仔，收入只有約26億人仔，但市值就炒高至逾百億元。
