【Now財經台】英倫銀行議息前，英國5月通脹數據大致符合預期，其中，消費物價指數(CPI)按年升幅放緩至2%，約3年以來首度觸及央行2%嘅目標，單月數據足唔足以令英倫銀行減息？數據出爐後，英鎊向上，但議息在即，加上7月又有選舉，英鎊要進一步反彈係咪有難度？
東亞銀行財富管理部高級投資策略師黃燕娥指，英國最新通脹比美國更低，反映當地通脹受控，雖然經濟數據有利英國經濟發展，但估計今次議息宣布減息嘅機會唔大，7月4日係英國大選，據民調顯示，工黨暫時領先，但無論咩黨派當選，將會有一系列新政策出台，相信英倫銀行喺大選前未必有動力減息。
Angela又話，由於9月減息機會相對較高，加上同美國聯儲局預期減息時間接近，英鎊面對嘅壓力唔大，建議投資者可以等英鎊見1.26水平，開始分段吸納。
