【Now財經台】小米集團(01810)同港股一樣，今日(19日)午市愈升愈有，午後一度高見18.5元，大升6.4%，最大助力應該係「618」購物節銷售數據。展望第2季業績，有「618」購物節銷售數據及小米汽車入帳嘅「加持」，係咪好值得憧憬？
元宇證券投資總監林嘉麒認為，第2季業績仍難以估計，雖然小米汽車銷售增加會帶動收入增長，但小米汽車毛利率唔高，有機會令經調整淨利出現放緩情況，繼而拉低小米整體業績。不過，小米汽車銷量增加令會提升集團現金流，加上開支減少，都有助平衡業績。佢又話，睇返整體人工智能(AI)手機板塊，小米只係剛起步，所以市場對小米業績未必會有太大期望。
KK續指，如果小米汽車毛利率能達到雙位數，市場就會視為好消息，因此，唔好忽視汽車業務對小米股價或盈利嘅幫助。
