【Now財經台】台灣晶片製造商過去一直專注於較低層次嘅晶片代工，台灣晶片龍頭台積電(TSMC)，僅南韓嘅三星(Samsung)可以同台積電相提並論，現時台灣晶片商已成為全球焦點，有南韓媒體指，擔心南韓會喺人工智能(AI)大戰中被邊緣化，到底南韓晶片業發展係咪一如南韓傳媒所講會被邊緣化？
易方資本助理基金經理王逸研指，南韓嘅海力士(Hynix)喺全球高頻寬記憶體(HBM)有霸主地位，亦係英偉達(Nvidia)最大供應商，隨著AI晶片更專業化，利潤、定單嘅穩固程度會不斷提升，變成更重要嘅戰略資源。
Isaac又話，三星係傳統綜合巨頭，包括代工部分，而AI手機亦愈來愈盛行，因此，佢認為，南韓其實唔係「甩轆」，只係相對台灣廠商冇咁搶眼，同樣係好重要嘅AI企業。
