【期匯決算】美元短線仍偏強

【Now財經台】早前，美匯指數由104水平，快速升至105水平，美國5月零售數據今晚(18日)出爐，市場預期，數據將會好過4月，係咪對美元有利？

連連STAR FX總經理陳欣指，美國之前公布嘅消費信心指數、首次申領失業救濟人數等數據都唔理想，拖累美元向下，若今晚出爐嘅5月零售數據理想，會對美元有一定支持。

佢又指，歐洲選舉令政局變得唔明朗，加上歐洲央行開始減息，但美國聯儲局態度仍然「鷹派」，美元短線仍會偏強，估計美匯指數喺104.5至105會有支持，阻力位就睇106.5水平。