【Now財經台】法國財長勒梅爾(Bruno Le Maire)警告，若左翼聯盟喺議會選舉中勝出，會導致經濟崩潰及令法國退出歐盟，消息一度令歐元「受驚」，日前曾失守1.07水平，法國選舉結果對當地股匯造成幾大壓力？股市有冇回穩跡象？
資深經濟師羅家聰指，歐元升跌速度一直較慢，雖然歐洲央行開始減息，拉闊歐美息差，但短期內唔會拉得太闊，當歐元落到1.03呢啲位置，支持力度會好強，所以市場都唔會睇得太淡。
KC又話，今年法國股市都冇調整過，一旦法國股市出現動盪，到時唔止歐股跌，美股都會跟跌，而歐元借勢回調，歐股亦會跟跌，不過，由於美股暫時冇乜大問題，資金就會流去美國股市及債市避險。
