【Now財經台】經常被市場要求要踢出「科技七雄」(Magnificent 7)嘅Tesla，近日傳出全自動駕駛(FSD)系統喺上海測試，早前股東會通過行政總裁馬斯克(Elon Musk)嘅560億美元薪酬方案，Tesla股價下半年可唔可以好似蘋果公司(Apple Inc.)咁打贏「翻身戰」？
iFast Global Market副總裁溫鋼城指，Tesla股價可唔可以翻身，將取決於公司人工智能(AI)發展，因為電動車已經冇乜亮點，加上內地有咁多家電動車企，單靠電動車唔會為股價帶嚟好大爆發力，加上Tesla係OpenAI大股東之一，市場未來關注Tesla嘅FSD有乜嘢AI元素。此外，Tesla即將推出嘅「無人駕駛的士」及「Tesla Bot」機械人亦係市場焦點，如果計劃順利推行，會係Tesla兩大賣點。
佢又話，Tesla股價短期會喺165美元至200美元上落，近期呈橫行格局，若能企穩200美元，可以有上望空間。
