【Now財經台】紫金礦業(02899)發20億美元可換股債券(CB)兼折讓5%配股集資，股價今日(18日)受壓，一度跌近5%，曾跌至2個月低位15.56元。市場上較歡迎嘅CALL普遍價外30%，到期日仲有約100日，槓桿6倍，行使價約20元，紫金股價上月曾創19.88元新高，有冇機會衝上20元？
中薇證券研究部執行董事黃偉豪指，紫金短線衝上20元機會唔大，過去1個月，股價自19.88元回落咗唔少，跌穿20天及50天線，短期走勢會比較反覆，上望空間亦唔大。
佢又話，紫金發CB兼配股嘅消息會令股價短期較為波動，若投資者想博升穿20元，股價要先上返20天線17.1元。
