【Now財經台】有大行認為，由於內地經濟數據失衡，中央有必要維持寬鬆政策，包括下半年或需減息降準。值得留意係，呢種失衡情況其實已持續咗一段時間，內地經濟今年有復甦跡象，係咪反映經濟結構調整已搵到一個磨合點？經濟數據未來係咪會繼續失衡，但對整體增係咪好事？
思睿首席經濟學家洪灝指，內地經濟結構正在轉型中，以前大量資金投入房地產，但依家已經唔可行，城鎮化率已達65%以上，實際數字更遠遠高於官方數字。佢又指，現時資金已經唔吼房地產，轉為投資高附加值嘅製造業，潛在回報比以前高，呢件應該係一件好事，亦反映喺股市某啲板塊上，因此，唔需要對現時嘅經濟狀況太過悲觀。
