【now.com財經】今朝起身進入第二Part肩頸痛，個頭開始郁得到，亦都抬得起，痛嘅少少向下移咗落去頸同膊頭之間嗰舊骨嘅範圍，Anyway，根據自身過往經驗，呢單嘢點都要一個星期先至無事，怪就怪自己瞓得衰。(多謝戰友關心)
依家9點19分，U盤都未完唯有睇住NBA總決賽先，不過作戰室都開始齊人，大家都坐定定等完U，再等開市。
另外，歐國盃重課英格蘭冠軍，無他嘅，或者正如噚日灘叔同阿Bu所講：呢啲係香港人嘅情意結嚟嘅啫，其實德國都好勁嘅。
完U後見指數開市升25點，由於唔係一個大嘅點數變幅，所以作戰室今日選擇唔Plan定開市前策略，由得個市開咗之後有個明顯少少嘅方向先至出手。
等到開市之後見指數上上落落，手快嘅先淡後好爬格仔動作可以喺開市後15分鐘之內完成，不過，見到指數咁Chok法，上下影線仲長過條貓鬚...我開始有少少擔心佢一嚟就行個「三角形」出嚟。
10點未到指數似乎比咗個方向出嚟，佢有企圖或意圖想爬返上18,000點樓上，但暫時見都未係好夠力，咬得到18,000點邊皮但咬唔實嗰下先慘。不過，爬得快嘅戰友都已經分開幾次好倉吞落肚Lu。
10點未到已經見到條行內盛傳已久嘅消息終於被落實：9月23日起取消所有惡劣天氣下不停市嘅安排，對我嚟講it doesn't a matter，反正我都係Home Office。
勉強抬頭望到個鐘見依家10點2分，小時圖上見指數仍然受制於中軸線以下，如果中軸唔過但以目前呢個小時圖，博指數喺中軸至保歷加底線作swing trade運行的話，呢個高度只得98點，咁玩嘅唯有用上高少少槓桿嘅恒指熊(61157)。收回價18,367點，同現價有約350點距離，槓桿有約39.2倍，反正今日指數好似有啲飄忽不同，且暫時見18,000點都未係好守得穩，倒不如等指數重上返18,000點又企唔到時，先至掟隻(61157)出去啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
