【Now財經台】中國平安(02318)5月保費收入按年增長約3%，股價今朝(17日)失守50天線，半日最多跌2%至35.7元，跌至1個月低位。
資金流方面，平保好倉連續多日錄得淨流入，5日合計，有逾1400萬元資金坐貨，成交活躍嘅CALL輪行使價普遍介乎45至49元，仲高過正股今年高位45元水平。
瑞銀亞洲股票衍生產品銷售部李梓維認為，熱門CALL嘅行使價太遠，又指平保股價仍處於尋底格局，暫時未見明顯支持位做參考。Alvin續指，如果想博反彈可選擇較近價同長身嘅條款，例如有一批明年2至3月到期，行使價約43元嘅CALL，時間值損耗風險相對較低。
