【now.com財經】有無發覺之前好似落雨落咗差唔多成個月咁?噚日同今朝好似有返啲太陽,但其實天文台都仲話呢個星期都會有驟雨,出太陽但落雨,呢個係咩玩?
天氣唔正常,其實呢排個市都係咁上下,以上個星期五(6月14日)收市口價計,指數已經失守咗日線圖上嘅50線。而恒指今朝開市跌92點,報17,848點,更加確認低走於50天線。及至開市後首五分鐘向下衝到落去低位17,752點,將第一層同第二層嘅牛證街貨都全數收回(有相當於902張期指街貨)之後,再嚟一招下影線低開高走,還好作戰室有安全注,避開開市一段時間唔同佢底 齊顛嘅話,見下影線+指數抽返上去之後,都有戰友開出好倉,望望鐘依家10點12分,指數進一步再迫近18,000點啦。
就開個小時圖出嚟,見保歷加通道如承接上個星期收窄中嘅情況而繼續收續,指數今朝低開失守中軸之後,依家10點18分見指數上返過去中軸線樓上,點數上破位但擺位上未破,後者要11點打後先至可以確認得到。
坦白講今日指數低開高走得都幾積極,開咗市一個鐘都未夠,指數已經倒升過137點,高見18,078點,而第一層熊證街貨見18,100至18,199,唔通佢真係想食兩家茶禮?
今日個頭唔可以有太大動作,因為又瞓得衰,頸連膊頭痛到擰唔到,只係用隻眼睥下個鐘,見依家10點27分,五分鐘圖上Slow STC(14.3)兩線上到90嘅嚴重超買位,而保歷加通道口又有拓闊,好似比位指數再向上行咁,但形態上見指數高位出「射擊之星」咁嘅嘢喎,再追好倉博Slow STC(14.3)兩線可以出到超買再超買,倒不如等Swing見觸頂向下比隻淡倉行一趟執幾格收工算數。
恒指熊(61157)。收回價18,367點,同現價有約370點距離,槓桿約37.5倍,少少進取嘅,所以安全的話喺五分鐘圖上見Slow STC(14.3)觸頂向下或者穿得到啲平均線,先至好出呀!
作者阿珊,以技術分析專心玩輪證,唔貪心,努力賺取我家肥貓罐罐。
Patreon作戰室七日免費體驗:https://www.patreon.com/join/cbbcwar