【Now財經台】原本聯儲局排除加息可能，令歐元有望錄得今年以來最大升幅，不過，歐洲政局持續唔明朗，法國及英國都提前大選，法國股市及債市更大跌，政治因素係咪會令歐元持續受壓？
亨達集團助理總經理羅明立指，今日(13日)歐洲議會極右勢力抬頭，令法國總統馬克龍(Emmanuel Macron)要提早舉行法國議會選舉，而6月、7月英法兩國都有選舉，令政局有機會變天，執政黨喺民調上落後，對歐元及歐盟嚟講都係唔理想，而極右有話事權可能會推動脫歐，從政治角度睇，英鎊及歐元都會受壓，但前者相對硬淨。
Patrick又指，因為歐洲央行之後未必會持續減息，所以除非美元出現轉弱因素，否則，歐元、英鎊上升空間唔大。
