【Now財經台】市場繼續有私有化或收購消息傳出，反映大股東或投資者都想執平貨，最新有通天酒業(00389)獲內地商人提出收購10%股權。
要約人王赫提出，擬以每股0.6元現金要約價，收購公司10%股權，將若成功收購，王赫將成為集團第3大股東，要約價同昨日(12日)收市價一樣，但對比去年每股資產淨值(NAV)折讓近60%，通天酒業股價今朝一開市已升穿0.6元，相信係為有新投資者入股令市場有憧憬。
不過，通天酒業業績一向麻麻，過去5個財年，只得1年有錢賺，去年就蝕約8000萬人仔，加上主席最近辭任，嚟緊嘅股權及人事變動，以至新投資者入股後有咩動作都要睇實。
