【Now財經台】中芯國際(00981)股價近期曾見過5個月高位，即18.9元，好友頻頻食糊，好倉最少連續5日有資金流出，係資金流出第2多個股，仲應唔應該部署好倉？
星展香港環球金融市場上市產品主管周國威指，內地5月宣布第3期大基金後，中芯走勢一直反覆向上，至直昨日(12日)股價自高位回落，資金亦流出，但都係以食糊為主，反映資金流走唔係代表睇淡，加上仍有好多資金順住大基金個勢去追芯片股。
中芯CALL方面，Dick建議，較保守嘅投資者可以揀敏感度高及貼價條款，行使價近19元，11月到期，實際槓桿4.6倍，進取型投資者可以揀最價外條款，行使價27元，9月到期，實際槓桿8倍，博短線急升，不過，唔建議揀敏感度低及價外嘅條款，即行使價23元，明年1月到期，實際槓桿只有4倍。
