【now.com財經】噚日揀咗隻恒指熊(60846)出嚟，平均買入價為0.0565元，講好喺下半場開市之後，如果指數都係有得落嘅話，(60846)都仲可以hold住；借一借五分鐘圖保歷加中軸作為量度線線。
喺下半場約1點35分，見指數終於高走於中軸，同步Slow STC(14.3)兩線向上行返向超買方向更為明顯，保正數兼過中軸之下，(60846)先行告退。
按1點35分起計如同平時一樣用10分鐘作為賣貨退場方話，期內(60846)高低位做過0.058元/0.054元，平均走貨價為0.056元，平均小輸半格或0.88%。
今朝起身出面黑到仲以為天未光可以再瞓過，成個月有多好似只係得噚日稍為出咗少少太陽；今朝恒指就乖乖地放晴啦，開市升166點，報18104點之後，借小時圖20線(18173點)同噚日開市裂口頂部(18176點)作為開市即追好倉嘅目標，喺開市後五分 鐘圖上第二粒燭高位即到步，全圓散水後同步見指數變成「射擊之星」，棄好轉淡又開始。
望望鐘依家10點11分，作戰室兩Round都已經完成咗，只係依家指數Hea住喺條10線度未見有方向，咁就由得佢Hea住先。
換個小時圖上見今日指數裂口高開之後，一舉踩上10線以上水平，當然如前文所指20線亦見阻力，所以暫時都只係預咗做Swing Trade。
趁Slow STC(14.3)依家10點17分仲喺中軸位，而指數都keep住借到10線再上的話，恒指牛(56768)，收回價17688點，同現價有約368點差距，槓桿約42倍。
一旦10線失守，向後退到試中軸企穩先出，不然等Slow STC(14.3)出觸底先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
