【Now財經台】賭股今日(12日)跟隨大市向下，其中，以美高梅中國(02282)跌7%最傷，銀河娛樂(00027)及新濠國際發展(00200)亦跌逾3%，大行近期唱好美高梅及新濠，因為成功搶到市場份額。不過，瑞銀獲得嘅渠道數據顯示，博企5月市佔率只有銀娛有得升，最新升至20.5%，金沙中國(01928)、永利澳門(01128)及美高梅都要跌，銀娛可唔可以靠市佔率撐起股價？
紅蟻資本投資總監李澤銘指，雖然銀娛市佔率近幾個月相對穩定，但銀娛股價要升返上去有一定難度，因為不論到訪澳門旅客人數及賭收均遇上增長瓶頸，未來再升空間有限，加上估值唔算特別平，除非市場對未來嘅賭收有較大憧憬，或臨近假期旺季有特別活動，否則，賭股仍然係相對弱勢嘅板塊。
