【Now財經台】截至早上11時止，1小時內《彭博》用戶搜尋量最多港股，依次為路勁基建(01098)、碧桂園(02007)、恒大物業(06666)、中國恒大(03333)及阿里健康(00241)。
內地樓市仍未有起色，中國指數研究院最新指，端午假期新盤日均銷售面積按年跌16%，不過，睇樓人數顯著增加，即只睇唔買，點解中央不斷出手仍谷唔起銷售？之前救市政策出台，市場即討論碧桂園復唔復到牌，但至今仍未有聲氣，集團係咪暫時仍復牌無望？
資深證券分析師彭偉新指，長時間停牌的確唔理想，碧桂園想復牌首先要出到業績，須有核數師願意幫碧桂園簽核數報告，估計需要一段時間先可以解決呢個問題。此外，雖然中央推出唔少打救內房措施，例如「白名單」及國企收購庫存等，希望做到「治本」，但暫時未必做到「治標」，所以要解決內房問題，仍有一條好漫長嘅路要走，估計短期內都復牌無望。
