【Now財經台】啤酒股今日(11日)集體插水，華潤啤酒(00291)跌超過4%、青島啤酒股份(00168)跌近1%、百威亞太(01876)就跌近3%。啤酒銷量受壓，係咪因為茅台減價，搶走部分市場？
華盛證券財富管理部董事李偉傑指，茅台獨特性高，同啤酒關聯性唔大，由於內地消費降級，啤酒銷量難免受影響，若人均收入下降，靠賣高端啤酒谷盈利嘅企業，會面對更大困難。此外，茅台同啤酒客源未必重曡，所以兩者關聯唔大。
此外，內地券商睇好今個月開鑼嘅歐洲國家盃會利好啤酒銷情，啤酒股係咪可以受惠於歐國盃？Jason認為，歐國盃即將開鑼，加上今年已經冇防疫限制，市民參與度一定會提高，應該可以彌補到今年頭幾個月消費力流失嘅情況，佢認為，今年嘅體育盛事會有利啤酒股股價表現。
