【Now財經台】東方甄選(01797)繼早前爆出「小作文風波」後，CEO俞敏洪發公開信，再次向東方甄選客戶、股東及投資者道歉，事源俞敏洪喺直播中直指「東方甄選做得亂七八糟」，其後股價連跌4日，集團預期喺8月出全年業績，但喺直播平台粉絲流失、銷售下跌，加上主播董宇輝離開，下半個財年業績會唔會受影響，繼而拖累新東方(09901)業績表現？
紅蟻資本投資總監李澤銘指，無可避免會對下半年業績有影響，董宇輝離開對東方甄選嘅影響會逐步浮現，亦可能會影響往後嘅業績，加上東方甄選估值唔平，以現時收入利潤計算，已有約20至30倍市盈率(PE)，而董宇輝離開集團亦令商品交易總額(GMV)大跌，對估值及利潤有一定衝擊，暫時市場覺得東方甄選缺乏增長動力，估值又偏貴，導致東方甄選一直捱沽。
