【Now財經台】碧瑤綠色集團(01397) 因獲David Webb增持，股價今日(7日)逆市造好，高開4%後，升幅一度擴大至近13%，高見0.71元，成交股數較過去100日同時段平均大增6倍。
政府暫緩垃圾徵費計劃，拖累碧瑤股價上月底連日受壓，更一度觸及1年低位，即0.57元，不過，David Webb於5月底出手增持公司股份，每股平均價0.61元，持股量升至6%，涉資約10萬元，消息刺激股價反彈，今日再升穿10天線。
值得留意係，雖然碧瑤去年生意額唔細，但利潤率亦唔高，集團去年少賺12%，雖然毛利率向上，但仍唔夠9%，股份平時交投疏落，雖然今日成交增加，但暫時都只得約110萬元。
