【Now財經台】亞洲水泥(00743)獲大股東折讓約3%提出私有化建議，股份今日(6日)復牌，股價一度急挫逾13%，低見2.88元，其後一直維持雙位數跌幅至收市，成交股數較過去100日同時段平均大增35倍。
亞泥表示，私有化可以為小股東提供變現機會，但值得留意係，就算今次大股東要攞16億人仔出嚟私有化，完成後仍有逾50幾億人仔落袋，仲要折讓私有化兼講明唔加價，條款對小股東相當不利，所以似乎係大股東變現嘅機會多啲。
不過，亞泥股價今日一跌，折讓私有化又變咗溢價私有化，到底對小股東而言係咪變現良機，就有待商榷。
