【Now財經台】網易(09999)跟微軟(Microsoft)旗下暴雪遊戲(Blizzard Entertainment)「復合」，令曾經吸引逾百萬名用戶上線嘅王牌遊戲《魔獸世界》，有望今個月回歸內地市場，下周二(11日)起會進行為期7日嘅國服刪檔技術測試，其中1個伺服器有望喺今個月正式開服。網易同暴雪相隔兩年再度合作，係咪一個雙贏局面？
艾德金融執行董事陳政深表示，必定係對雙方有利先會再合作，《魔獸世界》曾經係內地最受歡迎嘅遊戲之一，雖然仍未向市場推出正式嘅伺服器，但《魔獸世界》已經登上搜尋引擎前列位置，相信有望成為網易收入主要增長動力。
Ryan補充，睇返今次合作，因為微軟係不可缺席，而網易玩家係內地市場嘅主力，所以今次「復合」一定係雙贏。
