【Now財經台】金涌投資(01328)跟商湯(00020)就人工智能(AI)合作簽訂合作備忘錄，刺激股價今朝(6日)一度高見0.115元，爆升逾2.2倍，衝上兩年高位，成交股數較過去100日同時段平均大增15倍。
金涌股價今日爆升，主要係合作伙伴商湯嘅AI業務較實在，而英偉達(Nvidia)業績超預期，股價昨晚(5日)再破頂，帶挈市值超越蘋果公司(Apple Inc.)，為全球AI熱潮火上加油，但值得留意係，金涌聲稱同商湯聯手開發AI金融產品及服務，商湯亦會提供AI算力及技術支持，又會共同開拓海外市場，但實踐方法及具體目標都冇提及，雙方協議又冇法律約束力，所以依家搭「順風車」就要小心。
