【Now財經台】截至早上11時止，1小時內《彭博》用戶關注度上升最多港股，依次為恒生銀行(00011)、舜宇光學科技(02382)、中國銀行(03988)、美團(03690)及中國石油股份(00857)。
據《日本時報》(The Japan Times)今日(5日)報道，滙豐控股(00005)今年首季有13萬新客戶，中銀香港(02388)去年有20萬新跨境客，恒生去年非居民新客大增逾3倍，當中主要係內地客，佢哋想搬錢嚟香港買唔同類型投資產品，呢個趨勢會唔會持續？
資深證券分析師彭偉新指，呢個情況好大機會持續，因為內地人仔匯價短期好大機會持續貶值，雖然美國聯儲局有機會減息，理論上會令人仔轉強，但美元強勢暫難逆轉，聯儲局短期內減息機會唔大。若內地居民有機會做到跨境資金調配，將資金擺喺香港收更高息係無可厚非。
Castor又話，隨著內地跟本港融合，以往擺錢喺香港及內地嘅風險已經消退，加上內地居民可以喺香港配置港元定存，賺息又賺價嘅機會大咗，相信呢個情況未來半年仍會持續。
