【股市脈搏】順豐同城3連升後要唞唞？

【Now財經台】順豐同城(09699)母公司順豐控股獲批來港上市，帶挈順豐同城呢兩日成為資金追捧對象，而集團本身亦頻頻做回購撐價，順豐同城股價今日(4日)愈升愈有，午後一度大升逾10%，高見12.7元，收市報12.6元，升9.5%。

順豐同城股價已連升第3個交易日，已突破長期阻力，即11元水平，不過，14天相對強弱指數(RSI)已迫近80嘅超買水平，即使偷步炒業績憧憬，可能都要先唞唞氣。