【Now財經台】本港4月零售銷售大跌14.7%，遠差過預期，並錄得近4年最大跌幅，再按分類睇，都唔少行業都錄得雙位數跌幅，部分原因係咪同聯繫匯率有關？喺美元強勢下，港匯亦相對高，不利旅客來港消費？
資深經濟分析師羅家聰指，其實唔可以賴匯價，雖然港元匯價係跟美元行，但美匯指數已經喺100水平浮動咗近兩年，人仔匯價就喺7算水平上落咗好耐，所以都唔關人仔匯價事，佢估計另有原因。
KC估計有兩個原因，首先，本港及內地居民收入減少，外國旅客亦減少，而內地失業問題嚴重，嚟香港嘅內地旅客愈來愈北，收入及人均消費都係一啲較低嘅城市，香港對佢哋嚟講係高消費地方，所以使錢會「就住」，而本港高收入人士及中產好多已經移民，加上北上消費已成為常態，都令本港零售市道轉差。
KC又話，本港零售銷售同恒生指數嘅年度變幅一致，因此，可以推斷為股市差令港人減少消費。至於另一個原因就係...
