【Now財經台】繼港股首批比特幣(Bitcoin)及以太幣現貨交易所買賣基金(ETF)4月底上市後，美國證交會(SEC)喺5月24日亦正式批准以太幣(Ethereum)現貨ETF。
南方東英香港分銷銷售部高級副總裁李溢琳表示，主流投資市場對虛擬貨幣產品嘅接受程度愈來愈高，該行早於2022年12月率先推出全港首批虛幣ETF後，旗下FA南方比特幣期貨ETF(03066)嘅資產管理規模(AUM)曾經突破逾10億港元。
Barbara續指，透過在港交所(00388)上市、受規管嘅ETF產品來投資高風險嘅虛幣資產，可減低交易對手風險(counterparty risk)，而南方旗下嘅Bitcoin期貨ETF以芝商所(CME)期貨作為底層資產(underlying asset)，芝商所係全球交投最活躍嘅期貨交易所，流動性對投資者有保障。
佢又話，近年虛幣現貨交易平台亂象頻生，期貨交易有較完善監管，投資虛幣期貨相關資產嘅風險相對較低。
