【Now財經台】截至早上11時止，1小時內《彭博》全球用戶關注度上升最多首5隻港股，依次為中遠海控(01919)、海底撈(06862)、恒基地產(00012)、五礦資源(01208)、比亞迪股份(01211)。
海底撈股價今日(3日)一度升近6%，高見18.36元，據《澎湃新聞》報道，六一國際兒童節當日，全國海底撈合共接待220萬人次顧客，創今年新高，按年大增近50%，增速遠高於「五一」及「十一」等，之前傳出佛山海底撈為吸客出新招，喺店內教學生做功課，似乎奇招愈來愈多。
富昌證券聯席董事譚朗蔚指，內地整體內需市場持續復甦，以海底撈為首嘅火鍋行業過去業績唔差，仲有持續改善嘅趨勢，海底撈以美甲等奇招搞噱頭，令公司可以喺復甦趨勢中跑出，不過，雖然六一國際兒童節數據好，但只有短期作用，帶來嘅正面影響未必太大。
Stevan又話，整體而言，係睇好海底撈，建議投資者可以考慮喺17.5元水平吸納。
