【Now財經台】截至早上11時止，1小時內《彭博》用戶搜尋量最多港股，依次為康方生物(09926)、碧桂園(02007)、長和(00001)、申洲國際(02313)及中國神華(01088)。
康方上周公布旗下雙抗新藥「依達方」(依沃西注射液，PD-1/VEGF)臨床測試效果未如理想導致股價急瀉。集團今日(31日)再發通，指「依達方」試驗已達標，股價隨即反彈，一度高見60元，勁升87%，呢類股份係咪要睇住藥物測試結果嚟炒？
大華繼顯執行董事梁偉源指，買製藥股要睇兩大因素，首先新藥研發係咪有重大進展及獲批上市，因為可以大幅推高股價，其次係新藥喺海外市場銷售，有冇受政治因素影響，例如近期美國對內地製藥生產設多項政策關卡，只要政策有變動，就會直接影響股價表現。
Steven又話，市埸普遍關注國家藥品監管局對康方新藥上市申請嘅審批進度，依家傳嚟好消息，後市可以睇得較樂觀。
