Now財經台】截至早上11時止，過去1小時內《彭博》用戶搜尋量最多港股，依次為瑞安房地產(00272)、紫金礦業(02899)、農業銀行(01288)、華潤啤酒(00291)及路勁基建(01098)。
美國聯儲局昨日(29日)發布嘅褐皮書令減息預期再降溫，美元就轉強。國務院最新指，會嚴控銅、氧化鋁等冶煉新產能，消息一出，有色金屬股今日(30日)普遍回套，係咪意味之前一輪炒作已經完結？
富途證券香港首席策略師陸秉鈞指，以前金價同美匯指數嘅關係呈反比，但呢個關係已逐漸轉弱，即使美元再挑戰高位，都改變唔到金價今年有機會再創新高嘅可能性，如果金價再破頂，黃金相關股應該會再落鑊。
Alan認為，雖然供應收緊嗰輪炒作已經完結，但由於資源價格大升，會令各國政府擔心影響通脹，所以仍有可能收緊供應。佢又話，若各國政府將供應減到最少，屆時金礦股及資源股可趁低吸納。
