【Now財經台】研發創新抗癌免疫療法嘅康方生物(09926)股價今日(24日)輕微低開後，約早上10時突然「跳崖式」急瀉，一度暴瀉45%，低見26.45元，錄得上市以來最大單日跌幅，市值單日蒸發逾百億，今早急挫亦有大成交配合，罕有打入成交榜前3位，截至早上11時25分止，成交金額21億元，成交股數較過去100日同時段平均大增31倍。
康方股價今日一跌，已失守所有移動平均線，並跌穿今年3月嘅配股價，即47.65元，後市要留意5月31日舉行嘅美國臨床腫瘤學會年會，集團有機會出席會議，睇下到時會唔會有AK112臨床試驗最新進展。
