【Now財經台】綜合IT解決方案服務供應商邁越科技(02501)，股價今早(23日)一度衝高近45%，高見1.49元，升上今年高位，其後升幅顯著收窄，邁越平日交投疏落，雖然暫時成交僅逾300萬元，但成交股數已較過去100日同時段平均大增30倍。
邁越股今日一度衝高，可能跟公司昨晚(22日)宣布同一家新加坡投資人工智能(AI)嘅基金，以及一家內地GPU晶片研發企業，訂立合作協議有關，3家公司會聯手喺廣西投資、建立AI算力中心。
邁越科技今日一度重上1.18元嘅招股價，但集團剛開展AI研發，需要投入大量資金，但公司財務狀況一般，上市滿半年就可以做股本融資，要關注未來會唔會向市場「伸手」。
