【Now財經台】騰訊控股(00700)新款手遊《地下城與勇士》昨日(21日)登場，首日即登上內地iOS應用程式排行榜第1位，如果睇好新重磅遊戲可以刺激騰訊股價向上，依家嘅熱門CALL都較短身，今年7月至8月到期，係咪投資者都傾向做短線部署？較長身嘅價外CALL又有冇得諗？
中銀國際證券衍生產品部董事朱紅指，騰訊股價由低位升上400元，再回落到10天線，即380元水平，未來有機會喺呢個水平橫行一段時間，所以唔建議投資者揀短身CALL，因為時間值損耗較大。
Niki又話，投資者可以考慮揀較長身嘅CALL，明年3月、7月到期，即使較價外亦問題唔大。
