【股市脈搏】續期報價流出 愛康醫療半日炒完

【Now財經台】內地人工關節龍頭愛康醫療(01789)股價早市變動唔大，但臨近中午，有內媒報道，人工關節集中帶量採購協議續期現場消息，愛康醫療申報嘅4款產品，申報價同2021年人工關節帶量採購中標價格差唔多，刺激股價午後一度升10%，但好快已無以為繼，收市僅升近3%，成交股數較過去100日同時段平均增近3倍。

睇返日線圖，今日(21日)MACD快線好快會觸及慢線，愛康醫療4月下旬突破上升三角形後，持續整固，但喺5.4元水平有一定支持。