【now.com財經】噚日恒指一度上到19,400點樓上，雖然最後收市企唔到上19,400點，不過喺日線圖上見指數嘅擺位一級一級咁向上，連作戰室都有戰友話：睇信唔信邪，直接上20000點！
以噚日收市價19,376點計，同20,000點只係爭624點，依家未完U，期貨見指數上到19,500點。再睇返今日嘅牛熊證街貨圖，見熊證第二層即19,500至19,599點為重貨區，呢度有相當於844張期指街貨，睇你個款點都係無架啦。
搭正9點20分，恒指開市升過百點(唔記得啦)，開市報19,525點，第一層19,400至19,499點已經率先被收回，呢度有相當於222張期指。而依家其實已經9點42分，指數高位見過19,597點，剿返喺19,500至19,599點裡面嘅熊證，發現喺呢個範圍裡面最大收回價係19,588點，換之言，雖然指數喺點數上未見19,600點，不過技術上佢已經將呢層嘅證街全數收晒返啦，即係話指數已經吞咗1,066張期指街貨。
再嚟到依家10點3分，重貨區都食埋指數好似已經無咩可以再做咁。忽然指數向下，五分鐘圖上見一支「大陰燭」掃咗落去，Slow STC(14.3)兩線亦見向下；換埋保歷加通道見整條向上，咁嘅樣出到Swing喎。
恒指牛(58161)，收回價19,115點，同現價有約400點鉅離，為今日新上市最貼價牛證堆裡面，槓桿最高。
等一等五分鐘圖嘅指數落到中軸時企得到，或者Slow STC(14.3)兩線落到超賣位時出注，博行Swing Trade一趟先啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
