【Now財經台】美國總統大選愈來愈近，上周先傳出拜登政府將會向中國電動車「開刀」關稅，據《彭博》最新引述華府消息報道，針對中國電動車嘅關稅，將會由27.5%大幅調高近4倍至102.5%，而部分其他貨品關稅亦會大增至2至3倍。電動車股今日(13日)繼續「死火」，但已經較上周跌少咗，其中，比亞迪股份(01211)一度跌2.4%，其後幾乎完全收復失地，係咪加關稅嘅影響其實唔大？
博威環球證券金融首席分析師聶振邦指，前總統特朗普(Donald Trump)任內已加過關稅，其後被世界貿易組織(WTO)裁定違反世貿規則，所以今次再加關稅未必會咁順利，當中存在一定變數。此外，據內地電動車龍頭比亞迪年報顯示，依家內地收入佔整體收入四分之三，境外只佔四分之一，而二線或三線電動車企都以內銷為主，海外業務唔，因此，即使華府落實大加關稅，對內地電動車企亦影響唔大。
