【Now財經台】市傳美國最快明日(14日)宣布加內地電動車關稅3倍至100%，美國通脹持續高企，如果依家加內地電動車關稅，可能會拖低喺美國上市嘅電動車企股價，不過，吉利汽車(00175)旗下極氪(Zeekr)上周五(10日)喺紐交所掛牌，收報28.26美元，較IPO發行價21美元，飆近35%，到底加關稅消息對內地電動車股影響有幾大？
星展銀行(香港)豐盛私人客戶執行董事鄧威信指，喺美國上市嘅內地電動車企估值較高，交投亦都較活躍，佢認為，華府新政策影響唔大，因為內地電動汽車出口主要集中喺內地、南美或非洲等市場，相信消息唔會影響投資意欲。
不過，Wilson亦指，要留意政策會唔會再「加辣」，影響埋商用電動車市場，一旦連汽車零部件都要加關稅，影響就會大好多。
