【Now財經台】統一企業中國(00220)昨日(9日)收市後公布，首季少賺6%，稅後利潤4.57億人仔，據摩根士丹利引述集團指，上季銷售錄低雙位數增長，毛利率亦有得升。雖然集團盈利倒退，但統一股價今日(10日)一度大升逾13%，收市仍升近10%，反映市場都收貨，不過，內地消費降級，會唔會對統一毛利率擴張構成阻力？
財務策劃師協會會長黃敏碩指，統一呢份業績預示經濟復甦之餘，亦反映市場重新聚焦對產品嘅接受能力，由於統一產品種類多，所以唔會集中谷一兩類產品。
Michael續指，由於原材料配合到統一嘅產品周期，加上自身營運理想，因此，上半年毛利率仍有擴張本錢，但產品銷售就推動得比較慢，不過，如果產品受歡迎，唔係純低檔或純高檔，毛利率要持續擴張難度唔高。
