【Now財經台】英倫銀行明日(9日)公布議息結果，市場估計，指標利率維持5.25厘，市場關注會後聲明會唔會暗示要提前減息，行長貝利(Andrew Bailey)之前提及，對今年減息2至3次嘅預期滿意，英倫銀行今次議息要留意乜嘢？如果提前減息會唔會加大英鎊貶值壓力？
獨立商品外匯分析師林銘添指，市場比較重視減息聲音，英倫銀行會唔會減息要睇美國貨幣政策，市場估計，美國今年只會減息兩次，減息幅度亦會較預期小。佢又話，雖然英國通脹降溫，但經濟有進一步放緩跡象，所以現階段英鎊上升嘅機會唔大，同埋喺1.265水平會有阻力，後市要留意1.23至1.29水平有冇支持。
