【Now財經台】小米集團(01810)股價今日(8日)一度炒高逾7%,高見19.32元,創52周新高,小米股價今年累升逾20%,瑞銀、花旗、中金及中銀國際發報告,一致睇好小米首季業績bottom line、智能手機收入及整體毛利率回升。雖然大行睇好小米本業智能手機業務復甦,但毛利率按季仍要跌,平均售價又只係持平,係咪太樂觀?股價仲有幾多水位?
南華金融集團副總裁莫灝楠指,由於手機平均售價較難大跌,估計小米未來業績表現唔會差,小米手機市佔率長期係5強份子,出貨量又好誇張,雖然機價唔貴,但市場滲透率持續提升,係有價值嘅品牌。
Casper又話,小米股價早前已突破17元兼可以企穩,未來可上望20元樓上,集團手機出貨量升逾20%,雖然毛利率增長唔理想,但仍拉動到淨利潤增長,估計應該仲有水位。