【now.com財經】噚日無揀任何貨出嚟，好似前日都無，事關見指數處於高位都定咗格，佢唔郁我做乜要郁呢？最後喺噚日見指數出現10連升斷纜，明白嘅，都去到呢個位有獲利盤出現亦都係合理嘅，所以呢啲位再出好倉，坦白講都真係一步一驚心。
去到今日見指數再升多31點開市，而今日牛證街貨第一層已經迫到上去見18,200至18,299點，以開市價計指數都真係由上個星期一直靠近/踩住熊證街貨層，至依家開始擺返去中間位，對於牛證嚟講係多返少少風險；唯以貨量計，熊證街貨仍然比牛證嘅多，都真係點都秤殺熊先。
其實依家已經10點7分，喺作戰室未開市之前已經Plan定出好倉，只不過係等到指數正式開市首段時間Chok完之後先至出動，以五分鐘圖量度，借噚日做過嘅高位出嚟拉線，拉到18,600點sth見停，亦剛好等同依家暫時指數做過嘅高位18,606點，所以同作戰室嘅戰友好倉一齊收工先。
10點後再睇小時圖，見指數目前仍然守於10/20線之上，Slow STC(14.3)兩線仍然向上，以為仲有位出Swing Trade的話就錯啦，因為小時圖嘅保歷加通道口已經收窄咗一日有多，嚟到今日個圖同整蛋糕嘅唧花咀係無乜分別。
再睇埋個五分鐘圖，依家10點13分，Slow STC(14.3)已經喺今朝超買位向下回落到中軸水平，玩五分鐘圖嘅戰友就等緊條中軸穿唔穿，穿過嘅話淡倉博埋指數落到保歷加底線/Slow STC(14.3)到超賣；相反有廿持踩得到嘅，就當佢借保歷加頂至中軸行半截Swing Trade。
恒指牛(57070)，收回價18200點，同現價有約370點鉅離，終於都有番啲正常距離嘅牛出下啦，槓桿見反有約45.31偯轉個身都夠架啦，同作戰室一齊玩短線嘅，睇住五分鐘圖條中軸，企得到嘅就一齊出；否則借返Slow STC(14.3)落到超賣先博Swing Trade啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
