【Now財經台】澳洲央行一如預期維持利率不變，已連續第4次會議按兵不動，值得留意係，將減息從今年預測中剔除，暗示2025年中前都未必會減息。澳元隨即失守66美仙，紐元亦回落至60美仙水平。點評估今次議息結果？澳元後市又會點走？
連連STAR FX總經理陳欣指，今次澳洲央行議息結果未夠鷹，當地通脹偏高，甚至更有機會進一步升溫，但係議息結果暗示今年都唔會加息，為澳元帶嚟壓力。
Chase又指，由於澳洲國內生產總值(GDP)萎縮、消費疲弱、借貸成本高，喺咁多不穩定因素影響下，澳元只能見步行步，佢估計，澳元難突破67美仙，短線會反覆橫行震盪，支持位可以睇64美仙。
