【Now財經台】宏安集團(01222)賣咗旗下位元堂(00897)1間觀塘地舖畀獨立第3方，套現3300萬元，呢個舖位原本月租15萬元，由位元堂加盟商承租，舖位易手後都會繼續租，但為期3年嘅新租約，月租就減至12萬元，點睇今次呢單交易？賣舖後原租客續租係好常見嘅情況，究竟有咩好處？
《香港股票財技密碼》作者梁杰文指，近期港人熱衷北上消費，導致本地零售市道疲弱，可能會影響宏安及位元堂銷售，今次售後續租嘅租金回報有4.36%，對賣家嚟講係非常理想，位元堂選擇賣舖後繼續承租，主要係考慮到公司經營狀況，既然有唔錯嘅回報，就將自用舖位減磅出售，套現用作營運資金，令資金鬆動咗。
Mike指，售後續租喺零售業最常見，因為唔少都係做返自己生意，一旦本港地產市道下半年走下坡，到時未必可以用個靚價租舖，所以都把握機會續租，唔想影響到本身嘅零售網絡。
