【Now財經台】內地「五一黃金周」假期全社會跨區域人員流動量較2019年增24%，摩根士丹利指，睇返各類公共交通工具中，鐵路增長最少，但今日(6日)廣深鐵路股份(00525)股價跑贏航空股，高開逾5%，升幅一度擴大至逾10%，高見2.31元，成交股數較過去100日同時段平均成交大增13倍。
睇返技術走勢，廣深鐵路股價今日裂口高開，升穿2月中形成嘅上升通道，50天線升穿250天線，同2023年7月高位即2.5元只相差10%，不過，要留意14天相對強弱指數(RSI)已升至77嘅超買水平，短線或有回套壓力。
