【now.com財經】Yen實在太平，身邊有唔少朋友都去日本玩，搞到我呢排都收到唔少來自日本嘅手信，直接掛號寄返嚟香港比我但個人仲喺日本嘅又有，同佢嘅朋友快閃四日返嚟落機隔兩日就隊比我嘅又有，仲有個喺沖繩買到心花怒放中嘅。而我自從疫情爆發到依家結束都無出過國，主因係我唔捨得我家肥貓一個喺屋企，雖然可以搵到屋企人照顧，或者直接帶佢上貓酒店，但係我連呢兩個動作都唔捨得做，或者我可能患上「分離焦慮症」...(好多貓奴都係咁架啦)
怕且呢排啲老散同佢早幾日買落嘅好倉都有「分離焦慮症」，事關截至依家9點39分，恒指八連升下見過高位18,604點，唔計今日先新上市嘅牛證，舊有嘅牛證證價依家普遍都0.07/0.8元；如果係由17,000點起步買嘅嗰批，更見成毫子。「賣咗買唔返呀」(╥﹏╥)，但一日唔賣，一日都只係賬面數，存返入戶口嗰啲先叫做錢呀！
所以，作戰室好倉都開始準備收執細軟，同步喺日線圖上面已經見到由4月19日低位出「錘頭」開始至今嘅八連升裡面，已經出現咗三個裂口，無錯，又可以搬返個「Gap Theory」出嚟啦！(「Gap Theory」係咩?!你可以上返我個Patreon度搵返嚟睇，或者問Google都可以，不贅)
10點未到指數於18,604點出咗「平頂」+兩條天線嘅Router之後升幅見收窄，作戰室好倉收晒工嘅同時，已經做緊即日反手。
同平時一樣睇呢個專欄嘅用返小時圖的話，今日個小時圖實在無辦法可以畫到量度線出嚟，純借Slow STC(14.3)兩線向下的話，唔係唔得，只係要同時Alert埋保歷加通道口拓闊啫。
用返五分鐘圖做快少少動作嘅話，依家10點6分見指數剛剛失守五分鐘圖10線，Slow STC(14.3)兩線保持向超賣方向走，估計出到文再到你睇完之後，隨時中軸都過埋，如果係嘅話唔緊要，最少過到中軸你都仲有半截保歷加通道+Slow STC(14.3)向超賣方向玩。
恒指熊(52037)，收回價19,000點，槓桿有約33.08倍，同現價有475點企遠啲無人笑你嘅；又如果踩住中軸去嘅話，即係代表佢行住半截保歷加玩Swing嘅，咁恒指牛(56643)，收回價17,878點，今日新上市未見有街貨，全場最貼價牛之中槓桿最高。
捉轉角要小心呀！
作者阿珊，以技術分析專心玩輪證，唔貪心，努力賺取我家肥貓罐罐。
Patreon新增內容《開市前速報》，七日免費試用：https://www.patreon.com/join/cbbcwar
