【Now財經台】美元走勢受美國經濟數據同通脹預期影響，今個星期美匯指數回落到106左右，喺105.8水平窄幅徘徊，市場等今晚(25日)美國國內生產總值(GDP)出爐，但見到美債息冇回落，美元都唔會有好大跌幅？
亨達集團助理總經理羅明立指，睇番美元基本面同美國貨幣政策，美元唔應該跌太多，美匯指數喺107水平有明顯阻力，因為上年第4季急瀉，跌到100左右水平，現時去返上年急跌前水平，所以出現調整係合理，估計喺105水平有支持，亦要留意今晚美國經濟數據，如果數據正常，美金唔會跌得太多，佢估計，美匯指數會喺105至107水平整固。
