【Now財經台】近期新股上市的表現強差人意，茶飲連鎖集團茶百道(02555)集資近26億，暫居今年「集資王」，首日掛牌一度急跌近40%。同日掛牌的天津建發(02515)，以公開發售錄得432倍成為今年「超購王」，股價亦急瀉近40%，點解香港吸引投資者嘅能力及首次公開招股(IPO)都比以前弱？
資深銀行家王仕雄指，呢兩個IPO係個別事件，唔同持分者都有責任做好把關工作，包括發行者、iBank、會計師，要喺價格透明度、投資者預測及投資者教育方面要做得好，因為對香港成個金融中心地位及商譽風險好重要，如果做唔好把關工作，投資者信心就會下降。茶百道雖然市盈率(PE)好，但一上市股價就跌近30%，真實反映咗市場價格。
至於近10年香港IPO都做得好，但依家就咁低迷？佢就話，因為受地緣政治嘅影響，加上投資者關注内地經濟嘅發展，如果内地經濟做得好，香港股市就會受惠。
